Riseddie kampong engka seddi tomatoa nappunnai dua anak
makkunrai. Macoae riaseng I Muna, maloloe riaseng I Mani. I Muna mallakkai
padangkang riaseng La Muhammad. I Mani mallakkai tau kasi-asi riaseng La
Sabbarak. Jama-jamanna La Muhammad tuli massu ri saliweng mpanua melli barang.
Tungke-tungke pole melli barang, sakke-sakke agaga naelliangngi bainena. Agana
natemmaka rielorinna ri matua makkunrainna. Sibalireng ladde pole ri La
Sabbarak. Nabantumi matuanna orowanena ri darek e.
Engka naengka siwettu engkani La Sabbarak mallempa aga-aga pole ri darek e. Mabelamupi pole ri bolae engkani bainena I Mani lari no duppaiwi sibawa napalessona lempana. Aga nakkedanna Indokna, ’Maja laddek uwita kedona I Mani mappakkuaro, iyakkeppa daemmu papoleang lakkainna de engka naduppaiwi. Masennang maegatopo aga-aga napoleang, naia lakkaimmu mau sularak puruk, tennaulleto pakangka’.
Makkedani I Mani, ’O...Indok, amaingekkik. De nawedding ripakkua padatta ripancaji. Idikmuto puelok i usiala. Jaji iyatona usukkuruki ri Puang Allataala’.
Makkuniro I Mani tungke-tungke engka oroanena pole ri darek e. Makkutoparo Indokna tungke-tungke de engka manettunna naduppai caik. Naekia La Sabbarak deto najampangi agi-agi ripoadangngi ri matuanna, nasabbarakeng maneng.
Engkana naengka seddi wenni naengka tau naengkalinga molli i ri tengnga bennie makkeda, ’Otokko dolok Sabbarak. Tunuiwi palitae’. Mangingngi i La Sabbarak tuli engka molli i, aga naotok tongenna natunui lampunna. Naitani seddie tomatoa tudang rigauk engkana tangek e tattutuk. Natteruna La Sabbarak malai songkokna nalao tudang ri seddena tomatoaro. Makkedai tomatoae, ’E.....Sabbarak, maitta wegannotu mbok sabbarak. Sabbarakengngi anrasa-rasangnge ri lino. Matu narekko purako massempajang Subu, jokkano lao ri darekmu. Atteruko menrek ri coppokna bulue. Engkatu riasek batu malebbak, atteruko mulejjak i. Iyatu batue natimpak alena. Aja mulari mumetauk narekko engka muita makalaing-laing. Alai lisekna, agi-agi lisekna kalebbongngero’. Purairo teddenni lapong tomatoa.
Naiya onnangnge La Sabbarak natedduni bainena. Makkedai La Sabbarak, ’Madecengngi ndik, narekko tapassadiangekka bokong, teani matinro matakku’. Ri darek e wettunnani warelle ri onroang. Alattoak karung utiwi i uwattaroi warelle.
Naiya sakkekna joppani La Sabbarak lao ri darekna matteru menrek ri coppokna bulue batu malebbak e natteru lejjai. Aga natattimpakna iyaro batue, massuni seddi ula maraja namalampe pole ri awana. Naitani La Sabbarak. Naitani paramata maddupa-rupangnge. Makkedani laleng atinna La Sabbarak, ‘Iyanae naeloreng tomatoae uwala’. Nalani karunna La Sabbarak, naliseki paramata nappa naliseki kantonna waju-wajunna sibawa saluarakna. Purairo lisuni La Sabbarak lao ri darekna. Nakaerenni kalebbong ri wiring darekna nappa nalemmek. Nappa natanengi utti ri asekna kalebbongnge.
Aga macoani warellena, naseppeni. Warellena nalellek i nappa narakkoi, nappa narunuk naparikarungngi. Nakaetoni paramata engkae nalemmek. Naiya naparikantongnge nasari i ri salipinna nappa nabbekkeng. Naiyaro tassiolae nadokoi care-care nappa naputtama napasikorei warellena nappa naprikarung. Napattekerengngi lao ri bolae. Wennini nalani songkokna La Sabbarak sibawa wajunna matteru lao majjulekka mangolo ri matua orowanena. Makkedai matuanna, ’Agatu mbok parellu?’.
Iyaro upalettu riidik, bara weddingngi nawerengngak iyaro warellewe.
Makkaedai matuanna, ’Ba mbok, alani. Iko memengmuatu punna. Maelokko magai?’.
Makkedai La Sabbarak,’Maelokak maccue kulagoku lao mita-itai kamponna tauwe’.
Madecenni mbok, tamba-tambai pangalamammu. Iyakpa mellangekko accuereng kulagomu. Engkamua suku-suku ulawekku, uwereppi lagomu passewa kappalakmu.
Nae ripalettukenna La Muhammad karebaero, sadiani paccoei La Sabbarak. Marennutoni matua makkunrainna nakkeda,’Teddennotu ri wanuanna tauwe’.
Aga nadapi i wettunna joppa kappalak e, riatanaini lao ri bainena, matua makkunrainna. Sipungeng joppana kappalak e tuli risappani La Sabbarak rianak kappalak e. Tuli monroni ri lebokna karunna. Rirunruki rianak kappalak e ri lebokna karungnge. Koweddingngi kunak e tatiwireng inanre. Parellaunna ri anak kappalak e. Ritiwirettoni inanre kuritu ri anak kappalak e.
Engkana na engka siwettu naccarita La Sabbarak sibawa anak kappalak e, sitongeng-tongenna La Muhammad mallagokak. Adanna La Sabbarak. Magatosi taccoe? Aga akkattata? Pakkutanana anak kappalak e. Macinnaka mitai wanuanna tauwe. Iyatona wasselekna darekku uwala modalak. Akkattaku kupiro massappa jamang. Makkedatosi anak kappalak e, macinnaka usedding maccoe ri idik. Silaonnik matuk. Apa iyak ritemma kappalak e. Kumi ripottanangnge sappa-sappa jamang.
Lettuk i kappalak e ri Singapura napanoni warellena ri dua ri anak kappalak e, naiya onnangnge La Muhammad de najampangiwi La Sabbarak. Naia La Sabbarak de namacekkek-cekkek ati risalai ri La Muhammad. Makkedai La Sabbarak,’Onronobela mujagai warangparangnge ujoppa sappa onrong maddeppe-deppe. Lettuk i La Sabbarak ri tokoe nakkutananni tokewe.
Magi musappai tokewe? Loko mellau doi?
De. Engka parellukkuk kutokewe.
Engkani tokewe napitanni intanna dua batu. Makkedai La Sabbarak,’Engka manaku, de naengka naitai taue. Iko bawang upitang.
Naollini La Sabbarak Muhammad. Taparessani paramatae. Nakkutananni siaga ellinna, narekko loko sapi i dua lamari barang lollong lise.
Makkedani La Sabbarak, jajini. Makkedasi La Sabbarak,’Lo mupak mabbicara’. Siaga batunna ipassapirengngi iyae sipetak e? Makkedani tokewe, seppulo lima batunna. Alai tokoe, lima pulo batunna, alamemengngi tokokuk.
Makkedani La Sabbarak,’Taroni riolo uparessa’. Nalani paramatana lima pulo, nabilangengngi lima pulo, nappa napitang tokewe. Pada-pada muga iyae, toke? Narekko pada-padamui, jajini toke’. Makkedani tokewe,’Jajini, alani iya maneng tokoe’. Makkedani La Sabbarak,’Iyyak maneng punna’. Nasulleini taddu nrupa, napatujui silaonna. Napakeni pakeang suku-sukuna. Napoadani toke e,’Baja urusukni surek-surekna. Engka silaokku uloreng malai.
Aga najoppa malai silaonna ri palabuhangnge. Lettukni ri palabuhangnge makkedani La Sabbarak,’Makessingngi riakkana warelle e, laono mobbi oto.
Naia silaonna onnangnge macaik i. Nasengngi tania La Sabbarak. De umaelok mabbereangngi barakku. Depi gaga silaokkuk.
Engka naengka siwettu engkani La Sabbarak mallempa aga-aga pole ri darek e. Mabelamupi pole ri bolae engkani bainena I Mani lari no duppaiwi sibawa napalessona lempana. Aga nakkedanna Indokna, ’Maja laddek uwita kedona I Mani mappakkuaro, iyakkeppa daemmu papoleang lakkainna de engka naduppaiwi. Masennang maegatopo aga-aga napoleang, naia lakkaimmu mau sularak puruk, tennaulleto pakangka’.
Makkedani I Mani, ’O...Indok, amaingekkik. De nawedding ripakkua padatta ripancaji. Idikmuto puelok i usiala. Jaji iyatona usukkuruki ri Puang Allataala’.
Makkuniro I Mani tungke-tungke engka oroanena pole ri darek e. Makkutoparo Indokna tungke-tungke de engka manettunna naduppai caik. Naekia La Sabbarak deto najampangi agi-agi ripoadangngi ri matuanna, nasabbarakeng maneng.
Engkana naengka seddi wenni naengka tau naengkalinga molli i ri tengnga bennie makkeda, ’Otokko dolok Sabbarak. Tunuiwi palitae’. Mangingngi i La Sabbarak tuli engka molli i, aga naotok tongenna natunui lampunna. Naitani seddie tomatoa tudang rigauk engkana tangek e tattutuk. Natteruna La Sabbarak malai songkokna nalao tudang ri seddena tomatoaro. Makkedai tomatoae, ’E.....Sabbarak, maitta wegannotu mbok sabbarak. Sabbarakengngi anrasa-rasangnge ri lino. Matu narekko purako massempajang Subu, jokkano lao ri darekmu. Atteruko menrek ri coppokna bulue. Engkatu riasek batu malebbak, atteruko mulejjak i. Iyatu batue natimpak alena. Aja mulari mumetauk narekko engka muita makalaing-laing. Alai lisekna, agi-agi lisekna kalebbongngero’. Purairo teddenni lapong tomatoa.
Naiya onnangnge La Sabbarak natedduni bainena. Makkedai La Sabbarak, ’Madecengngi ndik, narekko tapassadiangekka bokong, teani matinro matakku’. Ri darek e wettunnani warelle ri onroang. Alattoak karung utiwi i uwattaroi warelle.
Naiya sakkekna joppani La Sabbarak lao ri darekna matteru menrek ri coppokna bulue batu malebbak e natteru lejjai. Aga natattimpakna iyaro batue, massuni seddi ula maraja namalampe pole ri awana. Naitani La Sabbarak. Naitani paramata maddupa-rupangnge. Makkedani laleng atinna La Sabbarak, ‘Iyanae naeloreng tomatoae uwala’. Nalani karunna La Sabbarak, naliseki paramata nappa naliseki kantonna waju-wajunna sibawa saluarakna. Purairo lisuni La Sabbarak lao ri darekna. Nakaerenni kalebbong ri wiring darekna nappa nalemmek. Nappa natanengi utti ri asekna kalebbongnge.
Aga macoani warellena, naseppeni. Warellena nalellek i nappa narakkoi, nappa narunuk naparikarungngi. Nakaetoni paramata engkae nalemmek. Naiya naparikantongnge nasari i ri salipinna nappa nabbekkeng. Naiyaro tassiolae nadokoi care-care nappa naputtama napasikorei warellena nappa naprikarung. Napattekerengngi lao ri bolae. Wennini nalani songkokna La Sabbarak sibawa wajunna matteru lao majjulekka mangolo ri matua orowanena. Makkedai matuanna, ’Agatu mbok parellu?’.
Iyaro upalettu riidik, bara weddingngi nawerengngak iyaro warellewe.
Makkaedai matuanna, ’Ba mbok, alani. Iko memengmuatu punna. Maelokko magai?’.
Makkedai La Sabbarak,’Maelokak maccue kulagoku lao mita-itai kamponna tauwe’.
Madecenni mbok, tamba-tambai pangalamammu. Iyakpa mellangekko accuereng kulagomu. Engkamua suku-suku ulawekku, uwereppi lagomu passewa kappalakmu.
Nae ripalettukenna La Muhammad karebaero, sadiani paccoei La Sabbarak. Marennutoni matua makkunrainna nakkeda,’Teddennotu ri wanuanna tauwe’.
Aga nadapi i wettunna joppa kappalak e, riatanaini lao ri bainena, matua makkunrainna. Sipungeng joppana kappalak e tuli risappani La Sabbarak rianak kappalak e. Tuli monroni ri lebokna karunna. Rirunruki rianak kappalak e ri lebokna karungnge. Koweddingngi kunak e tatiwireng inanre. Parellaunna ri anak kappalak e. Ritiwirettoni inanre kuritu ri anak kappalak e.
Engkana na engka siwettu naccarita La Sabbarak sibawa anak kappalak e, sitongeng-tongenna La Muhammad mallagokak. Adanna La Sabbarak. Magatosi taccoe? Aga akkattata? Pakkutanana anak kappalak e. Macinnaka mitai wanuanna tauwe. Iyatona wasselekna darekku uwala modalak. Akkattaku kupiro massappa jamang. Makkedatosi anak kappalak e, macinnaka usedding maccoe ri idik. Silaonnik matuk. Apa iyak ritemma kappalak e. Kumi ripottanangnge sappa-sappa jamang.
Lettuk i kappalak e ri Singapura napanoni warellena ri dua ri anak kappalak e, naiya onnangnge La Muhammad de najampangiwi La Sabbarak. Naia La Sabbarak de namacekkek-cekkek ati risalai ri La Muhammad. Makkedai La Sabbarak,’Onronobela mujagai warangparangnge ujoppa sappa onrong maddeppe-deppe. Lettuk i La Sabbarak ri tokoe nakkutananni tokewe.
Magi musappai tokewe? Loko mellau doi?
De. Engka parellukkuk kutokewe.
Engkani tokewe napitanni intanna dua batu. Makkedai La Sabbarak,’Engka manaku, de naengka naitai taue. Iko bawang upitang.
Naollini La Sabbarak Muhammad. Taparessani paramatae. Nakkutananni siaga ellinna, narekko loko sapi i dua lamari barang lollong lise.
Makkedani La Sabbarak, jajini. Makkedasi La Sabbarak,’Lo mupak mabbicara’. Siaga batunna ipassapirengngi iyae sipetak e? Makkedani tokewe, seppulo lima batunna. Alai tokoe, lima pulo batunna, alamemengngi tokokuk.
Makkedani La Sabbarak,’Taroni riolo uparessa’. Nalani paramatana lima pulo, nabilangengngi lima pulo, nappa napitang tokewe. Pada-pada muga iyae, toke? Narekko pada-padamui, jajini toke’. Makkedani tokewe,’Jajini, alani iya maneng tokoe’. Makkedani La Sabbarak,’Iyyak maneng punna’. Nasulleini taddu nrupa, napatujui silaonna. Napakeni pakeang suku-sukuna. Napoadani toke e,’Baja urusukni surek-surekna. Engka silaokku uloreng malai.
Aga najoppa malai silaonna ri palabuhangnge. Lettukni ri palabuhangnge makkedani La Sabbarak,’Makessingngi riakkana warelle e, laono mobbi oto.
Naia silaonna onnangnge macaik i. Nasengngi tania La Sabbarak. De umaelok mabbereangngi barakku. Depi gaga silaokkuk.
